القائمة الرئيسية

الصفحات

طريقة سهلة لعمل البسبوسة في المنزل

طريقة سهلة لعمل البسبوسة في المنزل


اهلا ومرحبا بكل زوار موقع اكلات حواء اليوم هنقدم لكم طريقة عمل البسبوسة  بطريقة سهلة وان شاء الله يعجبك

مقادير عمل البسبوسة 


كوبين ونصف سميد (500 جرام)

نصف كوب سمنة

كوب سكر

كوب حليب أو زبادي أو لبن رايب

2 معلقة كبيرة جوز الهند (اختياري) ولكن أنصحكم بيه

معلقتين كبار شربات تقيل أو عسل نحل أو عسل جلوكوز

طريقة التحضير :

نخلط الحليب مع الشربات أو العسل والسمنة والسكر ومعلقتين جوز الهند على نار هادية لحد التدفئة فقط وننزل عليهم بالسميد ونقلبهم ونبسهم مع بعض كويس لحد ما المكونات تتجانس مع مراعاة عدم العجن.

نجهز صينية مقاس 28 وندهنها سمنة وطحينة وبعدين نبل إيدينا ماء ونفرد فيها الخليط ونحددها بالسكينة ممكن نزينها بالبندق أو اللوز أو السوداني حسب الرغبة

ندخلها الفرن على درجه حرارة 180 درجه لمدة 20 دقيقة، ونسقيها اول ما تطلع من الفرن بشربات خفيف سخن.



ملحوظة مهمة:

البسبوسة بتبوظ لما تتعجن وتتقلب جامد وتضغط بالفرد في الصينية يادوب تقلبي تقليبتين وتمزجي المكونات بس وتخبطي الصينية خبطتين على الرخامة عشان لو فيه هوا يخرج.
هل اعجبك الموضوع :

تعليقات