القائمة الرئيسية

الصفحات

طريقة سهلة لعمل حلاوة الجبن في البيت


طريقة سهلة لعمل حلاوة الجبن في البيت



اهلا ومرحبا بكل زوار موقع اكلات حواء اليوم هنقدم لكم طريقة عمل  حلاوة الجبن بطريقة سهلة وان شاء الله يعجبك

مقادير عمل حلاوة الجبن :



كوب ماء مغلي (200 مل)
نصف كوب سكر (100 جرام)
كوب دقيق سميد (200 جرام)
2 كوب جبنه عكاوي أو موتزاريلا (400 جم)
القشطه:
كوب قشطه بلدي (200 جرام)
نصف معلقة ماء ورد (10جرام)
نصف معلقة ماء زهر (10جم)
فستق مطحون للتزيين
شربات تقيل بارد

طريقة التحضير:
أول حاجة لو هنعملها بالجبنة العكاوي لازم ننقع الجبنة ساعتين في مياة فاترة عشان ننزع منها الملح اللي فيها وبعدين نصفيها كويس.
في حلة على النار نحط الماء المغلي وندوب فيه السكر ونضيف سميد بسبوسه ونقلبهم مع بعض لحد ما تتجمع فى مكان واحد وبعدين نضيف الجبنة ونقلبهم لحد ما الجبنة تسيح ونرفعها من على النار ونسيبها لحد ما تبرد خالص.
على الرخامه نفرد كيس بلاستيك ونحط الخليط ونحط كيس من فوق ونفردها بالنشابة بسمك ربع سم ونحشيها بالقشطه ونضيف عليها ماء الورد وماء الزهر ونلفها رول ونقطعها شرائح ونرش عليها فسدق ونسقيها شربات تقيل بارد ونقدمها
هل اعجبك الموضوع :

تعليقات