القائمة الرئيسية

الصفحات

طريقة سهلة لعمل الكبدة الاسكندرانى في المنزل

طريقة سهلة لعمل الكبدة الاسكندرانى في المنزل


جربت اعمل الكبده كتير جداا ولا مره حسيتها زي بتاعت المطاعم لكن المره دي ظبطها وطلعت احلي بكتيييير

المكونات :
كيلو كبده مقطعه شرايح رفيعه(اسكندراني)
فلفل اخضر رومي شرايح رفيعه
١٠ فصوص ثوم مفروم ناعم
فلفل حار مقطع شرايح رفيعه
٢ملعقه كبيره هريسه شطه
٢ملعقه كبيرة خل ابيض
نصف كوب زيت للتحمير
ملعقه كبيره ملح
ملعقه صغيره قرفه ناعمه
ملعقه صغيره كمون
ملعقه صغيره فلفل اسمر
ملعقه صغيره كزبره ناشفه حبوب صحيحه
ملعقه صغيرة شطه ناعمه
الطريقة :
نسخن الزيت علي درجة حرارة متوسطه لمدة ٥دقايق
ننزل بالكبده مره واحده بدون تقليب
لما لونها يتغير هنقلبها تقليبه واحده بس وننزل بالتوم والفلفل الحار وهريشة الشطه والبهارات ونسيبها دقيقتين ونقلب تقليبه واحده بس
بعد دقيقتين ننزل بالفلفل الرومي ونقلب اخر تقليبه ونسيبها خمس دقايق والنار تكون عاليه وكده الكبده جاهزه عالتقديم ..

ملحوظه مهمه :
اهم حاجه الوقت فالتقليب
التقليب يكون مره كل دقتين او ٣دقايق علشان لما بنقلب كتير بتنزل مية الكبده وده مش هيديكي الطعم اللي انتي عوزاه
الخل مهم وبيفتح لون الكبده
حطي الكمون اخر حاجه فالبهارات علشان ميمررش وميغمقش الكبده
متزوديش بهارات كتير لانها بتقلب الطعم خالص
وبألف هناا
هل اعجبك الموضوع :

تعليقات