القائمة الرئيسية

الصفحات

طريقة عمل كيك الريد فيلفت بطريقة سهلة وان شاء الله تعجبك


  


اهلا ومرحبا بكل زوار موقع اكلات حواء اليوم هنقدم لكم    طريقة عمل كيك الريد فيلفت  بطريقة سهلة وان شاء الله تعجبك

مقادير  عمل كيك الريد فيلفت 

‫- كوب ونص زبده‬
- كوب ونص السكر
- 3 بيضات
- 2 معلقه كبيره كاكاو
- كيس ونص لون أحمر "خاص بالاكل بالحلويات"
‫- معلقه صغيره من الملح‬
- 2 كوب ونص دقيق
- معلقه صغيره فانيليا
- كوب لبن رايب
- معلقه صغيره بيكنج بودر
- معلقه كبيره من الخل

مقادير كريمة التزيين 
⬇️

- ‫ربع كيلو جبنه كريمي ناعمه‬
- 2 كوب سكر بودره
- معلقه صغيره فانيليا ويفضل تكون سايله
- مكعب صغير زبده حوالي 110جرام

طريقة التحضير 
⬇️

- باستخدام المضرب‬ الكهربائي اخلطي الزبده والسكر واضربيهم كويس على السرعه المتوسطه، وبعدين حطي البيض والفانيليا واضربيهم كويس برضه وعلى نفس السرعه.
- هتجيبي طبق صغير وتخلطي فيه اللون الأحمر مع الكاكاو وبعدين هتحطيهم مع البيض والسكر.
‫- حطي الملح والدقيق والبيكنج بودر واللبن الرايب على الخليط الاساسي ، واخلطيهم كويس، وبعدين هتضيفي معلقة الخل واخفقي جيداً.‬
- لما تتأكدي ان القوام متجانس واللون مكفي الخليط، هتحطي الخليط فى قالب الكيك، ودخليه في الفرن على درجة حراره 180 درجه، لمدة ساعه كامله.
- هتخرجي الكيك من الفرن وتسبيه تلت ساعه يبرد، وبعدين تقسمي الكيك 3 طبقات بسكينه رفيعه من النص.

طريقة عمل كريمة التزيين 
⬇️

‫- تخلطي الزبده و الجبنه الكريمي بالمضرب كويس جدا.‬
- ضيفي السكر البودره للخليط، على مرتين "نص الكميه الاول وبعدين حطي باقى السكر واضربيه.
- حطي الفانيليا واتاكدي ان الخفق تمام لحد ما القوام يبقى متجانس وجاهز .
‫- هتفردي الكريمه بين الطبقات، وبعدين تغطي بيها الكيك من برا وتتأكدي إن مافيش أي أجزاء بارزة من الكيك.‬
حسب رغبتك ممكن تضيفي شرايح فراوله او ترشي السطح والجوانب باللون الأحمر.
- دخليها التلاجه قبل التقديم ب 3 ساعات على الاقل
أنت الان في اول موضوع
هل اعجبك الموضوع :

تعليقات