القائمة الرئيسية

الصفحات

اسهل طريقة عمل شوربه جمبرى بالخضار والكريمه

اسهل طريقة عمل شوربه جمبرى بالخضار والكريمه


اهلا ومرحبا بكل زوار موقع اكلات حواء اليوم هنقدم لكم طريقة عمل شوربه جمبرى بالخضار والكريمه  بطريقة سهلة وان شاء الله تعجبكم

شوربه جمبرى بالخضار والكريمه 

تحفه بجد كريمى جدا ولذيذه جدا وتفتح النفس

مقادير عمل شوربه جمبرى بالخضار والكريمه 

جمبرى متقشر ومتنضف الضهر بتاعه
تتبيله الجمبرى الخاصه ( توم كتير وفلفل حامى وبصله صغيره وطماطمايه صغيره وملح وفلفل وكمون بسيط وكزبره بسيطه اوى وشطه وعصره ليمون ومعلقه خل)
كوبين لبن 🥛🥛
كوب كريمه حلويات او طبخ
٤معالق دقيق صغيرين
فلفل الوان ومشروم وذره
ملح وفلفل و شطه
زبده معلقتين
عصره ليمون فى الاخر

طريقه عمل شوربه جمبرى بالخضار والكريمه 
نتبل الجمبرى بالتتبيله ونسيبه فيها من الصبح
هاتى حله ومعلقتين زبده وانزلى بالجمبرى بالتتبيله بتاعته وشوحى الجمبرى فى السريع
انزلى بالمشروم وشوحى سريع
انزلى بالدقيق وقلبى لغايه ما الدقيق يختفى فى الزبده
انزلى بكوبين اللبن وقلبى وانزلى وسيبه ياخد غلوه
وانزلى بالفلفل الالوان والذره
وبعد كده انزلى بكوب الكريمه وظبطى ملح وفلفل
الخليط بقى كريمى جميل وطعمه تحفه
عصره ليمون بقى ورشه شطه وادعيلى

*ملحوظات
*لو عندك رووس الجمبرى حطيها تتشوح مع الجمبرى لان طعمها اقوى حاجه فى الجمبرى وفيها البهريز كله وابقى شيليها قبل التقديم

*ممكن بدل الجمبرى بس تحطى سى فوود
*ممكن تتعمل شوربه سى فود بالمايه بس وتبقى شوربه عاديه بس استغنى عن الدقيق واللبن والكريمه والمشروم واعملى باقى المكونات
هل اعجبك الموضوع :

تعليقات