القائمة الرئيسية

الصفحات

طريقة سهلة لعمل طاجن لحمة بالخضروات زي المحلات

طريقة سهلة لعمل طاجن لحمة بالخضروات زي المحلات


تعالوا نعمل النهاردة حاجة لذيذة ومش بتاخد وقت فى العمايل 
طاجن لحمة بالخضروات 
المكونات

١/٢ كيلو لحمة مكعبات
١بطاطس متوسطة
٥ فلفل حامى حسب الرغبة
١ جزرة متوسطة
٢ طماطم متوسطة
١٠ بصلات صغيرة
٣ فص ثوم
١ باكو صلصة
١ مكعب ماجى
عود قرفة
ورقة لورا
٢ فص حبهان
٤ قرنفل
حوالى ١٠ فصوص فلفل اسود
٢ ملعقة كبيرة سمن
١/٤ ملعقة صغيرة فلفل اسود مطحون
١/٤ ملعقة صغيرة حبهان مطحون
١/٤ ملعقة صغيرة كمون مطحون
رشة جوزة الطيب
حوالى ٢ كوب ماء
الطريقة


نسخن السمن ونحط معاها البهارات الصحيحة وننزل باللحمة والبصل الصغير و نقلب لحد ما يبقى لونها ذهبى
نقطع الخضروات بتاعتنا زى مانحب مكعبات صوابع اللى تحبوه
نجيب بولة ونحط فيها الصلصة والماجى و التوابل المطحونة وننزل عليها بالماء الساخن ونقلبها كويس يدوبوا و يختلطوا مع بعض
ندهن الطاجن بشوية سمن ونحط جزء من الخضروات وبعدين جزء من اللحمة وعلي الوش بقية الخضروات واللحمة وملعقتين سمن من اللى حمرنا فيها اللحمة ونغطيها بورق الزبدة و الفويل وندخلها الفرن من ٤٥-٦٠ دقيقة
و نطلعها ونقدمها مع ارز او العيش
طبعا الخضار هنا اختيارى براحتكم ممكن تزودوا الخضروات اللى بتحبوها
و بالهنا والشفا
ومتنسوش تقولوا لى رأيكم لو جربتوها
هل اعجبك الموضوع :

تعليقات