القائمة الرئيسية

الصفحات

طريقة سهلة لعمل شوربات العدس في البيت



اهلا ومرحبا بكل زوار موقع اكلات حواء اليوم هنقدم لكم طريقة عمل العدس  بطريقة سهلة وان شاء الله يعجبكم

الواحد بيتلكك لما الجو يقلب عشان يعمله بيدفى الواحد لمده ٣ ايام وبتكاتى واضافاتى هيعجبكم اوى باذن الله

مقاديرعمل العدس
٣/٤ كوب عدس - ٢جزره - ٢ طماطم وسط - بصلتين وسط -٤ فصوص توم كبار - معلقتين شوفان للقيمه الغذائيه - ملح وكمون - شعريه متحمره فى زيت - شطه
للتقديم ليمون - عيش محمص - صلصه بخل وتوم

طريقة عمل العدس
١-نغسل وننقع العدس فى مايه من بدرى لغايه ماينفش ونتخلص من المايه دى ونغسله تانى
٢-هاتى حله حطى العدس والبصل المقطع والطماطم المقطعه والتوم والجزر المقطع والشوفان وشوحى كله فى بعضه فى السريع
٣- حطى مايه تغطى المقادير بشويه متكتريش اوى ومتقلليش اوى
٤-سبيها تغلى وهدى النار وغطى عليها بس سيبى حته من الغطاء مفتوحه عشان بيفور لغايه ما كله يستوى مش بتاخد وقت على ما تغسلى المواعين وتحمرى الشعريه هيكون استوى
٥- هاتى حله وحمرى الشعريه فى زيت او سمنه الى تحبيه
٦- خلى العدس يبرد شويه قبل ماتحطيه فى الخلاط عشان غلط على الخلاط يتحط سخن ولو عندك هاند بلندر اشتغلى على طول
٧- اضرب كويس اوى اوى لو حسيتى انه تقيل حطى شويه مايه صغيرين
٨- صفى الخليط كويس بمصفى محترمه و على حله الشعريه وقلبى الخليط مع الشعريه و حطى ملح وكمون وقلبى لغايه ما يغلى افضلى قلبى عشان الشعريه متلزقش
٩- غليت اول غلوه الحمد لله اقفلى النار بقى وغطى الحله وسيبى الشعريه تستوى بسخونيه العدس

- انا بقدم معاه عيش شامى محمر فى الزيت بقطعه بالمقص شرايط واحمره فى زيت بيبقى تحفه معاه
وبقدمً معاه كمان صلصه بخل وتوم بتقلب لون وطعم العدس لحاجه خيال بجد انا مكنش ليا فى العدس بس بالصلصه بقى تحفه بجد وبعمله كل شويه من جماله

صلصه بخل وتوم
بدبل التوم فى شويه زيت وانزل بشويه خل صغيرين وانزلى بعصير الطماطم عليهم واسبها تتسبك واضيف ملح وفلفل وكمون وسكر 
سخنى بقى العدس قبل الاكل ممكن تضيفى شويه مايه بسيطه لو تقل منك مع التقليب عشان الشعريه وقدميه فى الاطباق مع عصره ليمون ورشه شطه ومعلقتين صلصه على الوش مع شويه عيش محمص وادعيلى
هل اعجبك الموضوع :

تعليقات