القائمة الرئيسية

الصفحات

طريقة عمل تورتة الجيلى بالموز



طريقة عمل تورتة الجيلى بالموز

اهلا ومرحبا يا بنات اليوم نقدم لكم طريقة عمل تورتة الجيلى بالموز بالصور , مع اكلات حواء هتعرفى طريقة عمل تورتة الجيلى بالموز خطوة خطوة للشيف منال العالم الجميلة , 





مقادير عمل تورتة الجيلى بالموز ( كيكة الجلى ) :
الكيكه الاسفنجيه :
1 و 1/2 كوب دقيق 
6 بيضات 
1 و 1/2 كوب سكر 
1 باكو بيكنج بودر 
فانيليا
للتغليف و الحشو :
2 باكو جيلي فراوله 
5-7 حبات موز
طريقة عمل تورتة الجيلى بالموز  :
الكيكه الاسفنجيه  اولا :


"ينخل الدقيق مع البيكنج بودر (لادخال الهواء في العجينه)
"في وعاء .. نحط البيض مع السكر و الفانيليا و يضرب بالمضرب كويس لحد ما يبقي خليط كريمي و يرتفع (ده دليل علي انه مليان بالهواء كويس)
"نحط الدقيق و البيكنج بودر شويه شويه و نضرب بالمضرب لحد ما كميه الدقيق تخلص 
"في صينيه الخبز .. تدهن الصينيه بالزبده و نرشها يشويه دقيق و نتخلص من الزياده
"نصب خليط الكيك الاسفنجيه و تخبز علي درجه حراره 180 درجه مئويه لمده 35 دقيقه

التغليف :

"في وعاء .. نصب كوبايه مياه سخنه و عليها باكو جيلي و نقلبه كويس لحد ما يدوب
"في نفس الصينيه اللي اتخبزت فيها الكيكه او صينيه قدها في المقاس نحط الجيلي و نقطع فيه نص كميه الموز 
"نحط الصينيه في الفريزر لحد ما الجيلي يتجمد 
"في وعاء .. نحط باكو الجيلي التاني و عليه كوبايتين مياه سخنه و نقلب كويس لحد ما االجيلي يدوب كويس و نسيبه يبرد شويه 
"نخرج الصينيه اللي فيها الجيلي و الموز من الفريزر 
"نقسم الكيكه الاسفنجيه الي نصفين 
"نحط النصف العلوي من الكيكه مقلوب علي الجيلي و الموز بحيث يكون سطح الكيكه ملامس للجيلي في الصينيه و الجزء المقطوع لاعلي 
"نسقي جزء الكيكه الاول بالجيلي كويس و نقطع كميه الموز المتبقيه علي الكيك 
"نسقي الجزء التاني من الكيكه بالجيلي و نحطه مقلوب علي الموز بحيث يكون قاع الكيكه لاعلي 
"نسقي الكيكه كلها بباقي الجيلي لحد ما يتشرب الكيك كله بالجيلي 
"نحط الصينيه في التلاجه ليله كامله و قبل التقديم بساعه تخرج من التلاجه و نسيبها في درجه حراره الغرفه 
"في طبق التقديم نقلبها بحيث يكون طبقه الجيلي المجمد و الموز لاعلي 

 ملحوظه : "لو بعد الساعه الكيكه ما انفصلت عن الصينيه نستخدم منشفه مبلله بماء ساخن و نحطها علي الصينيه شويه لحد ما تتفصل عن الصينيه
ويمكنك تزيين تورتة الجيلى بالموز بالكريم شانتيه ( بالكريمة ) ده حسب الرغبة 
هل اعجبك الموضوع :

تعليقات